“Инсон қадри учун” шиори доирасидаги чуқурлаштирилган тиббий кўриклар туманларда давом этмоқда. Республика шошилинч тиббий ёрдам илмий маркази Бухоро филиали директори М.М.Ражабов бошчилигидаги РШТЁИМ Бухоро филиалининг 32 нафардан иборат бир гуруҳ турли соҳалар мутахассислари навбатдаги тиббий кўрик ва амалий-услубий ёрдам акцияларини Ромитан туманида амалга оширишга киришдилар.
Мутахассислар гуруҳи томонидан Ромитан туманининг кўп тармоқли марказий поликлиникасида чуқурлаштирилган тиббий кўрик ташкил қилинди. Шунингдек, гуруҳ аъзолари Ромитан туманлараро қўшма шикастланишлар ва ўткир қон-томир касалликлари маркази фаолияти билан ҳам яқиндан танишдилар. Ушбу марказ Пешку, Ромитан ва Бухоро туманлари аҳолисига тиббий хизмат кўрсатишга мўлжалланиб ташкил қилинган.
Гуруҳ мутахассислари мазкур марказ фаолиятида Ўзбекистон Республикаси Президентининг 2021 йил 26 июлдаги “Аҳолига кўрсатилаётган тиббий ёрдам сифатини янада яхшилаш чора-тадбирлари тўғрисида” ги ПҚ-5198-сон қарорида белгиланган вазифаларни бажарилиши, Ўзбекистон Республикаси Президентининг 2021 йил 26 июлдаги “Аҳолига кўрсатилаётган тиббий ёрдам сифатини янада яхшилаш чора-тадбирлари тўғрисида” ги ПҚ-5198-сон қарори ижроси бўйича тиббий техника ва тиббий буюмлар билан жиҳозлаш стандартлари, даволанаётган беморлар ва уларнинг касаллик тарихлари, аҳолига сифатли ихтисослаштирилган тиббий хизматни ташкил этиш ҳамда марказни мутахассислар билан таъминлаш ишлари билан танишилди.
Филиалдан эндохирург, қон-томир хирурги, гинеколог, травматолог, нейрохирург, болалар хирурги, болалар реаниматологи, УТТ врачи, эндоскопист, кардиореаниматолог, анестезиолог-реаниматолог, невролог, кардиолог, терапевт, педиатр, токсиколог ва операцион бригада тўлиқ стерил тиббий асбоб-анжомлар тўплами ҳамда мутахассислар билан ташриф буюришган.
Республика шошилинч тиббий ёрдам маркази Бухоро филиали билан узвийлик ва ўзаро алоқа олиб бориш, туман мутахассисларини тажриба орттиришига кўмаклашиш, беморларга тиббий ёрдам стандартларига мувофиқ маслаҳат ва диагностика, даволашни амалга ошириш борасидаги ишлар кўриб чиқилмоқда. Шунингдек, марказ тўғрисида тушунтиришлар берилиб, мутахассисларнинг тажриба орттиришига кўмаклашиш орқали амалий-услубий ёрдам кўрсатилиши ҳам таъминланади.
Ромитан туманида РШТЁИМ Бухоро филиали мутахассислари томонидан 458 нафар “Д” назоратда бўлган фуқаролар, шулардан 301 нафари 1- ва 2-гуруҳ ногиронлари чуқурлаштирилган тиббий кўрикдан ўтказилдилар. Тиббий кўрик натижасида уларда 614 турдаги касалликлар аниқланди.
