Ўзбекистонда олти ой ичида 552,5 млрд сўмлик “свет” ва газ ўғирланди

   2024 йил 1 январдан 15 июнгача ўтказилган 40,8 мингта назорат тадбирлари чоғида жами 38,8 мингта ноқонуний ҳолатлар аниқланди. Мазкур ноқонуний ҳолатларнинг 13,5 мингтаси табиий газдан, 25,3 мингтаси эса электр энергетикасидан қонунга хилоф равишда фойдаланиш билан боғлиқдир.
Айрим ҳуқуқбузарлар томонидан ҳисобот даврида 255 млрд 200 млн сўмлик табиий газ ҳамда 297 млрд 300 млн сўмлик электр энергиясидан ноқонуний фойдаланилиши натижасида давлат манфаатларига жами 552 млрд 500 млн сўмлик зарар етказилган.
Уларга нисбатан 220,1 млрд сўмлик табиий газдан ноқонуний фойдаланганлик ҳолатлари бўйича 236 та ва 139,5 млрд сўмлик электр энергиясидан ноқонуний фойдаланганлик ҳолатлари бўйича 479 та жиноят ишлари қўзғатилган.