Камбағалликни қисқартириш ва бандлик вазири Беҳзод Мусаев Бухоро вилоятида хизмат сафарида бўлди.
Ташриф доирасида Бухоро туманида жойлашган ва ипакчиликка ихтисослашган «Силк Сервиcэ» корхонаси фаолияти, ишчиларга яратилган шароитлари билан яқиндан танишилди.
Бугунги кунда ушбу жамиятга 8054 нафар касаначи жалб қилинган бўлиб, ўтган йили биргина шу туманда 225 тонна ипак қурти тайёрланган бўлса бу йилги ҳосил 259 тоннани ташкил қилмоқда.
Вазир Бухоро туманидаги маҳаллаларда фаолият юритаётган ҳоким ёрдамчилари билан ҳам учрашди.
Мулоқотда аҳоли бандлигини таъминлаш, камбағалликни қисқартириш ҳамда янги иш ўринларини яратиш бўйича амалга оширилган ишлар ва келгусидаги режалар муҳокама қилинди.
