Тиббиётнинг турли йўналишларида беморларни даволаш билан бир қаторда илмий ишлар билан шуғулланувчи мутахассис аёллар сонининг ошиб бораётганлиги тиббиёт тизимида ривожланиш жараёни юқорилигидан далолатдир.
РШТЁИМ Бухоро филиалининг эрталабги йиғилишида директор М.М.Ражабов томонидан марказимизнинг шошилинч гинекология бўлими врачи Найимова Нилуфар Салимовнани тиббиётнинг мураккаб йўналишларидан бири гинекология соҳасидаги илм фанда эришган мувоффақияти, фалсафа доктори (PhD) даражасига эришгани муносабати билан унга тиббиёт фанлари бўйича фалсафа фанлари доктори (PhD) дипломи топширилди. Директор буйруғи билан бир ойлик маош миқдорида моддий жиҳатдан тақдирланиб, совғалар билан қўллаб-қувватланди.
Н.Наимова т.ф.д., доцент Н.Н.Каримова илмий раҳбарлигида Бухоро давлат тиббиёт институтига қарашли илмий кенгашда “Тухумдон эрта етишмовчилиги диагностикасининг замонавий жиҳатлари ва уларни тузатиш усуллари” мавзусидаги диссертация ишини 2024 йил 26 март куни мувоффақиятли ҳимоя қилганлиги эътироф қилиб ўтилди.
Қутловда марказни барча бўлим мудирлари, масъуллар, ординаторлар қатнашиб ушбу мувоффақият билан ёш шифокор олимани табриклаб, тиббиёт илмида янада юқори поғоналарга кўтарилишига улкан зафарлар тиладилар.
Барча йиғилиш қатнашчилари билдирилган тилак ва истакларни кўтаринки руҳда қўллаб-қувватладилар.
