Бухоро туман ҳокимлиги томонидан «Темир дафтар», «Аёллар дафтари» ва «Ёшлар дафтари»га киритилган меҳнатга лаёқатли ишсиз фуқароларни тадбиркорликка жалб қилиш, ўзини-ўзи банд қилиш мақсадида 70 нафар фуқарога субсидя асосида меҳнат қуроллари берилди.
Шу мақсадда ташкил этилган тадбирда туман ҳокими Анваржон Очилов иштирок этди. Туман ҳокими фуқаролар билан суҳбат давомида юртимизда аҳоли бандлигини таъминлаш, ижтимоий кўмакка муҳтож оила қатламларини ҳар томонлама қўллаб-қувватлаш борасида амалга оширилаётган ислоҳотлар хусусида тўхталиб, сертификат ҳамда меҳнат қуроллари эгаларига топширилди.
Шу билан бирга, тадбир давомида ўтказилган меҳнат ярмаркаси натижасида 30 нафар ишсиз фуқароларга ишга жойлашиш бўйича йўлланма берилиши ҳамда 15 нафар фуқароларнинг ишга жойлаштирилиши таъминланди.
