Жорий йилнинг 10 май куни Ўзбекистон халқ шоири, Олий Мажлис Қонунчилик палатаси депутати, “Фидокорона хизматлари учун” ордени ҳамда “Шуҳрат” медали соҳиби, “Жадид” газетасининг бош муҳаррири Иқбол Мирзо Бухоро давлат педагогика институтига ташриф буюрди. Меҳмонни БухДПИ ректори Баҳодир Маъмуров ва институт жамоаси кутиб олди.
Ташриф давомида Ўзбекистон халқ шоири Иқбол Мирзо билан Бухоро давлат педагогика институти профессор-ўқитувчилари, талабалари ҳамда меҳмонлар иштирокида учрашув бўлиб ўтди. Тадбир давомида шоир талабалар билан очиқ мулоқот қилиб, ўз қаламига мансуб китобларни ёшларга совға қилди.
Шунингдек, Бухоро давлат педагогика институти Кенгашининг қарори билан Ўзбекистон халқ шоири Мирзалиев Иқболжон Мирзакаримовичга “Бухоро давлат педагогика институтининг фахрий профессори” унвони берилди. Фахрий профессор дипломини институт ректори Баҳодир Маъмуров топширди.
