Мурожаат бўйича соҳага алоқадор ташкилотлар томонидан ишчи гуруҳи тузилиб жойида чиққан ҳолда ўрганишлар амалга оширилди.
Ўрганиш давомида мурожаатда келтирилган коллектор “Куржан” хўжаликлараро коллекторининг 3-ички тармоғининг қабристон ҳудудидаги охирги қисмида https://lex.uz/ru/docs/4640429 Ўзбекистон Республикаси Вазирлар Маҳкамасининг 2019 йил 11-декабрдаги 981-сонли “Ўзбекистон Республикаси ҳудудидаги сув объектларининг сувни муҳофаза қилиш ва санитария-муҳофаза зоналарини белгилаш тартиби тўғрисидаги низомни тасдиқлаш ҳақида”ги қарорининг 35-банди 2-хатбошисига асосан коллекторнинг нормал сув сатҳи чизиқлари бўйлаб соҳил бўйи минтақаси 5-метр этиб белгиланганлигини инобатга олиб коллекторнинг нормал сув сатҳидан 6 метр масофа ташланган, коллекторни механизмлар ёрдамида тозалаш тадбирларини амалга ошириш учун минтақа сақланган ҳолда Давлат хизматлари портали орқали 2023 йил 6-июлдаги 79294219-сонли ўз ҳудудида бино ва иншоотларни қуриш учун рухсатнома олиб амалга оширилганлиги аниқланди.
Бино ва иншоотларни реконструкция қилиш ҳамда ўз ҳудудида қўшимча бино ва иншоотларни қуриш учун рухсатнома
Жойлашув тархи
Шунингдек мурожаатни ўрганиш жараёнида коллекторни қабристон ҳудуддаги қисмида механизм жалб қилиниб, коллекторда тозалаш тадбирлари амалга оширилди ҳамда тадбиркорлар томонидан коллекторнинг техник ҳолатига шикаст етказмаслиги ҳамда коллекторнинг соҳил бўйи минтақасида қурилиш тадбирларини амалга оширмаслиги тўғрисида огоҳлантириб, кафолат хатлари олинди.
Юқоридагилардан келиб чиқиб, мазур турдаги масалаларни ўрганиш ва бартараф этиш мақсадида экспедиция томонидан доимий фаолият юритувчи ишонч телефони (65-225-36-22 65-225-14-85) ҳамда телеграм https://t.me/buxoro_meliorativ канали ташкил қилинган бўлиб, вилоят ҳудудида мелиоратив тармоқлари билан боғлиқ бўлган масалалар юзасидан доимий мурожаат қилиниши мумкинлигини маълум қиламиз.
“Аму-Бухоро” ирригация тизимлари ҳавза бошқармаси ҳузуридаги мелиоратив экспедиция матбуот хизмати.
