Ромитан туманининг Шўрча маҳалла фуқаролар йиғинида “Обод хонадон, обод кўча, обод маҳалла” мезонларини жорий этиш бўйича амалий ишлар давом этмоқда. Умеджон Барноев томонидан ушбу дастур бўйича навбатдаги штаб йиғилиши ўтказилди. Унда туман раҳбари томонидан масъулларга уйма-уй юрган ҳолда ҳар бир хонадон эгасига ўз хонадонларида ободонлаштириш ишларини амалга ошириш юзасидан тарғиботларни кучайтириш ҳамда маҳалла ҳудудида кенг қамровли қурилиш таъмирлаш ишларини янада жонлантириш бўйича бир қатор топшириқлар берилди.
Бундан ташқари туман ҳокими Умеджон Барноев тегишли масъуллар билан биргаликда янги маҳалла биносининг қурилиши, ижтимоий соҳа объектларидаги мавжуд муаммоларни бартараф этилиши, болалар учун “Workout” майдончаси билан биргаликда дам олиш масканини ташкил этилиши, аҳоли хонадонларидаги ободонлаштириш ишларининг бориши, уларнинг яшаш турмуш шароитларини янада яхшилаш, бандлигини таъминлаш бўйича олиб борилаётган ишлар билан яқиндан танишишди.
