“Универсал” спорт мажмуасининг қурилиш ишлари жадал тус олган
“Когон нефтгаз энерго сервис” МЧЖ корхонаси бош пудратчи ташкилот этиб белгиланган объект лойиҳасига кўра, спорт мажмуаси 4000 томошабин ўрнига мўлжалланган манеж ва кўплаб спорт турларига ихтисослашган секциялар, ўқув-машғулотлар зали, VIP ложа, ўйин зали, ювиниш-кийиниш хоналари, спорт жиҳозларини сақлаш хоналаридан иборат бўлади.
Вилоят ҳокими Ботир Зарипов бугун мажмуада бўлиб, қурилиш ишларининг боришини яна бир бор кўздан кечирди. Аввалги ўрганишлар давомида белгилаб берилган топшириқлар ижроси билан танишди.
Айни пайтда мажмуа атрофида автотураргоҳ, югуриш йўлаклари, сунъий қопламали футбол майдони қурилмоқда. Шунингдек, манежда спорт турлари бўйича ўйинларни ташкил қилишга мўлжалланган махсус қопламалар тўшалмоқда. Мажмуа атрофи ободонлаштирилмоқда.
Ботир Зарипов мутасаддилар иштирокида пудратчи ташкилот олдида турган устувор вазифаларни кенг муҳокама қилиниб, дуч келинаётган муаммоларни ҳал қилиш чоралари кўрилди. Шундан келиб чиқиб, вилоят раҳбари қурилиш-таъмирлаш ишларини аввало, сифатли амалга ошириш, шу билан бирга жараёнларни жадаллаштириш бўйича кўрсатмалар берди.
