Хабарингиз бор, 2024 йилги Наврўз умумхалқ байрами мамлакатимизда «Олам нурга тўлсин сен билан, Наврўз!» деган бош ғоя асосида ўтказилиши белгиланди. Шунингдек, айни кунларда мамлакатимиз бўйлаб «Яшил макон» умумиллий ҳаракати доирасида «Маҳалламга 10 туп дарахт кўчати — менинг туҳфам» шиори остида эзгу ишлар ҳам амалга оширилмоқда.
Яшил макон лойиҳасига асосан Бухоро туманида 2023 йил куз мавсумида 560 минг туп дарахт кўчатлари экилган бўлиб, жорий йилнинг баҳор мавсумида 872 минг туп дарахт ва бута кўчатлари экилиши режалаштирилган.
Бугун эса ушбу лойиҳанинг баҳорги мавсумига старт берилди. Туманнинг 3-сектор ҳудудидаги «Зарманоқ» маҳалласи ҳудудида бошланган дарахт экиш тадбирида вилоят ИИБ бошлиғи Миржамол Миралимов, туман ҳокими Анваржон Очилов, сектор раҳбарлари, 3-сектор маҳаллалари еттилиги ва корхона ва ташкилотлар мутасаддилари қатнашдилар.
Амалга оширилаётган бу каби тадбирлар ҳудудлар қиёфасини обод этиш баробарида, табиатни асраш, экологик мусаффоликни таъминлашга кўмак бериши билан аҳамиятлидир.
