Бухоро давлат педагогика институти ректори Маъмуров Баҳодир Бахшуллоевич ва Yıldız Teknik университети Педагогика факултети декани Меҳмет Энгин Дениз ўртасида ҳамкорлик тўғрисида меморандум имзоланди. Унга кўра, Бухоро давлат педагогика институти Yıldız Teknik университети билан ҳамкорликда профессор-ўқитувчилар, докторант ва магистрлар, асосан, талабалар алмашинувини йўлга қўяди, ҳамкорликда илмий адабиётлар нашр қилиниши, конференсия ва симпозиумлар ўтказилиши белгиланди. Шунингдек, педагогика, психология, мактабгача ва бошланғич таълим ҳамда хорижий тиллар каби таълим йўналишларида ўзаро халқаро алоқаларни кучайтириш юзасидан келишувга эришилди.
