Бугун Ромитан тумани ҳокими Умеджон Барноев қишлоқ хўжалиги соҳасида амалга оширилаётган қишки юмушлар билан танишиш мақсадида тумандаги “BCT Cluster Agrokompleks” маъсулияти чекланган жамиятига қарашли “Машина трактор парки”га ташриф буюрди.
Ташриф давомида 2024 йил ҳосили учун баҳорги дала ишларида қатнашадиган қишлоқ хўжалиги техникаларини мавсумга тайёрлаш бўйича олиб борилаётган ишлар билан танишди.
Таъкидлаш жоиз, айни пайтда “BCT Cluster Agrokompleks” маъсулияти чекланган жамиятида 2024 йил баҳорги дала ишларини ўз вақтида ва сифатли ўтказилишини таъминлаш учун 122 та чопиқ трактори, 35 та пуркагич (ОВХ), 24 та чигит экиш сеялкаси, 6 та лазерли ер текислагич ҳамда бошқа турдаги техника ва агрегатлар мавжуд бўлиб, уларни таъмирлаш ишлари якунига етказилган.
– Қиш ҳам иш фасли деганларидек, қишлоқ хўжалиги ходимларининг қиш ойларида ҳам ўзига яраша юмушлари мавжуд. Бунда қишлоқ хўжалигида ишлатиладиган барча техника ва механизмларни таъмирлаш, жорий йилда мўл ҳосилга замин яратади,-деди туман раҳбари.
