Бугун Бухоро шаҳар ҳокими Жамол Носиров Бухоро марказий деҳқон бозори ҳамда “Бухоро қишлоқ хўжалик махсулотларини улгуржи сотиш” МЧЖ да бўлиб, бозорларда аҳолини озиқ-овқат маҳсулотлари билан узлуксиз таъминлаш, нарх-наво барқарорлигига эришиш борасида амалга оширилган ишлар, қиш мавсуми учун озиқ-овқат маҳсулотлари захиралари яратилганлиги ҳолатини ўрганди.
Бозорларда ташкил этилган арзонлаштирилган савдо ярмаркалари фаолияти, асосий турдаги озиқ-овқат ва қишлоқ хўжалиги маҳсулотларининг нарх-наволари билан танишди.
Шунингдек, Ҳазрати Имом қабристонида олиб борилаётган таъмирлаш ва ободонлаштириш ишларини ҳам кўздан кечирди. Йил якунига қадар барча қаровсиз қабрларни тиклаш ишларини якунига етказиш бўйича масъулларга топшириқлар берди.
