«Газ сўрғич» мосламаларининг хонадонлар учун хавфи
-Хонадонларда ностандарт газ ускуналари ва газ сўрғичлар ўрнатилганда, табиий газнинг сизиб чиқиши оқибатида хонада гугурт чақилиши ёки хонадаги ёритиш тизими ёқилганда, хонада газ ва ҳаво аралашмасининг чақнаши содир бўлади. Қолаверса, чақнаш оқибатида ёнғин юзага келиб, моддий бойликларга зарар етказади.
«Газ сўрғич» лардан фойдаланишнинг салбий оқибатлари:
-Газ ва ҳаво аралашмасининг чақнаши фуқароларнинг турли даражадаги куйиш тан жароҳати ва ҳаётдан кўз юмишигача бўлган кўплаб аянчли оқибатларга сабаб бўлади.
-Ўйламасдан қилинган ҳаракат натижасида ўзининг ва ўзгаларнинг ҳаётига хавф туғдириб, қолаверса, табиий газ меъёридан ортиқ ишлатилиб, бошқа хонадонларга газнинг етиб бориши қийинлашади. Қонун олдида жавобгарлик:
Ўзбекистон Республикаси МЖТКнинг 101-моддаси. Электр, иссиқлик энергияси, газдан фойдаланиш қоидаларини бузиш
Умумий фойдаланишдаги электр, иссиқлик, газ тармоқларига ўзбошимчалик билан уланиш ёки улардан фойдаланиш қоидаларини бошқача тарзда бузиш ёхуд электр, иссиқлик энергияси, табиий газни ҳисобга олиш асбобларига шу жумладан уларнинг пломбаларига қасддан шикаст етказиш ёки бундай ҳисобга олиш асбобларининг кўрсаткичларини ўзгартириш мақсадида уларга ташқаридан аралашиш, фуқароларга базавий ҳисоблаш миқдорининг ўн бараваридан ўн беш бараваригача, мансабдор шахсларга эса — йигирма бараваридан йигирма беш бараваригача миқдорда жарима солишга сабаб бўлади.
Бухоро вилояти Фавқулодда вазиятлар бошқармаси газ истеъмолчиларидан огоҳ бўлишни, хонадонларидаги мавжуд барча газ ускуналаридан фойдаланиш бўйича йўриқнома талаблари ва техника хавфсизлиги қоидаларига амал қилган ҳолда фойдаланишни сўрайди.
Азиз фуқаролар! Қиш мавсумини беталофат ўтказайлик! Хонадонингизни ёнғин ва чақнашдан асранг!
