«Халқ банки» раисининг ўринбосари Фаррух Рўзиев коррупцияга қарши курашиш куни доирасида ўтказилган матбуот анжуманида маълум қилишича, банк тизимида пенсия пулларини тарқатиш соҳасида талончилик ҳолатлари учраб турибди.
“Бугунги кунда пенсияларнинг 30 фоизи нақд пулда тўланади. Пенсия тарқатувчи аксарият ходимлар ёшлардан иборат. Ёшлар ўртасида 1Хбет (онлайн қимор) деган бало пайдо бўлган. Бир ёш ходим пенсионерларга тарқатилиши керак бўлган 750 миллион сўм пенсия пулларини 1Хбет ўйнаб, ютқазиб қўйди”, — деган банк раиси ўринбосари.
Фаррух Рўзиевнинг қўшимча қилишича, тизимда коррупцион ҳолатлар, асосан, ижтимоий йўналишдаги кредитлар ажратишда учрамоқда. Иккинчидан, пенсияларни (нақд пул шаклида) тарқатишда ҳам ўғирлик ва фирибгарлик ҳолатлари мавжуд.
