Миллий қадриятлар манзилига айланган Бухоро давлат педагогика институтида ташкил қилинган «Ош чемпионати» институт ректори Баҳодир Маъмуров томонидан очиб берилди.
Шунинг билан бирга, қизғин мусобақага айланган фестивалда барча раҳбар ходимлар талабалар билан бирдек, фестиваль дастури меҳмони бўлишди.
Ҳамма жамланган нуқта нафақат мусобақа ва миллий куй-наволар тараннум этилган манзил бўлиши билан бирга, балки раҳбар ва талаба очиқ мулоқоти дастурига айланиб, талабалар ош тайёрлаш жараёнларида ва бошқа мавзуларида ҳам институт раҳбарияти билан ҳамсуҳбат бўлиш имкониятини қўлга киритишди.
Шунингдек, 6 та факультет иштирокида ўтказилган ош чемпионати ғолиблари аниқланди.
Натижаларга асосан:
1-ўринни Аниқ ва табиий фанлар факультети;
2-ўринни Мактабгача ва бошланғич таълим факультети;
3-ўринни Тиллар факультети жамоаси қўлга киритди.
Ғолиб ва совриндорларга диплом ҳамда видеопроектор совғалари топширилди.
