Коррупцияга қарши курашиш агентлиги йил охирига келиб ортиб қолаётган бюджет пулларини сарфлаш йўлларини қидирмоқда.
Агентлик бугун, 3 ноябрь куни «Баҳор» ресторанида 100 кишига зиёфат ўтказиш учун 84 миллион сўмга шартнома тузган.
Ушбу дабдабали зиёфат дастурхонига 20 та идишга қўйилган нон жами 1 миллион 100 минг сўмга баҳоланган, бир порцияси 65 минг сўмлик мохора ҳамда 210 минг сўмлик «судак в темпуре» каби таомлар тортилган.
Бозорда бир донаси 5 минг сўмдан бўлган лимон 65 минг сўмдан ҳисобланган.
Овқатланиш зиёфатида жами ҳисоб 84 миллион сўмга тўғри бўлиши учун 3 201 600 сўмга лед экран (монитор) ҳам ишлатишга келишилган.
1 ноябрь куни имзоланган ушбу шартнома жамоатчиликка ошкор бўлгач, 3 ноябрь куни давлат ҳаридлари порталига жойлаштирилган. Аммо нима сабабдан ўтказилиши очиқланмаган. Қонунларга ўзи амал қилмайдиган Антикоррупция агентлиги бошқа ташкилотлардан қонунийликни қандай талаб қилади.
