Шофиркон тумани ҳокими Алишер Файзиллоевнинг «25 октябрь – Ички ишлар органлари ходимлари куни» муносабати билан соҳа вакилларига байрам табриги

Ҳар йили мамлакатимизда 25 октабр – «Ички ишлар органлари ходимлари куни» сифатида кенг нишонлаб келинади. Шу муносабат билан Сиз, юртимизнинг содиқ ўғлонлари – осойишталигимиз посбонларини Ички ишлар идоралари ходимлари куни билан чин қалбимдан муборакбод этаман.
Тинчлик ва осойишталик – буюк неъмат. Бу бебаҳо неъматни асраб авайлаш йўлида туну-кун ором билмай меҳнат қилаётган ҳар бир юрт посбонининг байрамидир бу !
Ушбу соҳада давлатимиз раҳбари Ш.Мирзиёев томонидан кенг кўламли ислоҳотлар амалга оширилмоқда. Шу сабабли бир неча йиллардан буён юрт посбонларининг фидокорона хизматлари самараси ўлароқ Ўзбекистон халқаро миқёсдаги «Қонуний тартибларга итоат қилиш индекси»да юқори ўринлардан бирини забт этиб келмоқда. Бунда мамлакатимизда фаолият олиб бораётган кўп сонли ички ишлар органлари ходимларининг ўз зиммасига юклатилган вазифаларни фидойилик билан ва виждонан бажараётгани алоҳида ўрин тутади, албатта.
Ушбу байрам – ўз ороми, ҳузур-ҳаловати, фароғатидан кечиб юртимиздаги тинчлик ва осойишталикни ҳимоя қилаётган, жиноятчиликка қарши курашиб, унинг олдини олиш ва фуқаролар хавфсизлигини таъминлашдек муҳим вазифаларни бажариб келаётган юрт ўғлонларининг байрамидир, бу.
Юртимиз равнақи ва ҳаётимиз фаровонлигига қўшаётган ҳиссангиз, ватанпарварлигингиз ҳамда касбингизга бўлган садоқатингиз учун Сизга, офарин деймиз!
Барчангизга мустаҳкам соғлиқ, куч-қувват, хонадонларингизга хотиржамлик ва галдаги фаолиятларингизга улкан ютуқлар тилайман!
Байрамингиз муборак бўлсин!
Ҳурмат билан
Шофиркон тумани ҳокими
Файзиллоев Алишер Абдуллаевич