Маросимни Илмий ишлар ва инновациялар бўйича проректор, профессор Тўлқин Расулов Республика миқёсида ўтказилаётган ҳафталик моҳияти, БухДУдаги инновацион гоялар ва ёш стартап эгалари, интилувчан талаба-ёшларнинг илмий изланишлари хусусида сўзлаб, очиб берди.
Очилиш маросимида сўзга чиққан Бухоро вилояти Олий таълим, фан ва инновациялар бошқармаси бошлиғи Азамат Наимов вилоятда бу борада олиб борилаётган ишлар ва унда БухДУ талаба-ёшларининг ҳиссаси хусусида алоҳида тўхталди. Университет олимларининг инновацион ғоя ва ишланмалари кўргазмасидаги гоялар ва ишланмаларни ўрганиб, уларни қўллаб-қувватлашга тайёрлигини билдирди.
Шунингдек, инновацион гоялар ҳафталиги давомида Б2Б учрашувлар, “InnoWeek.uz–2023” халқаро инновацион ғоялар ҳафталигига бағишланган матбуот анжумани, “Ideaton-Uzbekistan 2030” танлови иштирокчиларини ҳамда кўргазма қатнашчиларини тақдирлаш, Шартнома ва меморандумлар имзолаш маросимлари ўтказилди.
Тадбирда барча факультет ва кафедраларнинг илмий ишланмалари намойиш этилди. Тадбирда Бухоро вилояти ҳокимлиги вакиллари, ОАВ вакиллари ва блогерлар, профессор-ўқитувчилар ва талабалар иштирок этишди.
