Учрашувда Халқ қабулхонаси мудири Л.Шарипова ва тумандаги бир қатор корхона, ташкилот, муассасалар раҳбарлари ҳам қатнашди.
Учрашув аввалида маҳалла фуқаролар йиғини раиси Б.Холов маҳаллада амалга оширилган ишлар хусусида гапириб ўтди.
Шундан сўнг туман ҳокими Ф.Умаров мамлакатимизда сиёсий, ижтимоий ва иқтисодий ҳаётида кечаётган кўламли ислоҳотлар, аҳолининг турмуш даражасини юксалтириш, мавжуд камчилик ва муаммоларни бартараф этиш, хусусан туман секторларида қилинаётган ишлар ҳақида тўхталиб ўтди.
Шундан сўнг фуқароларнинг ариза ва шикоятлари тингланди. Газ босимини кўпайтириш, иш топишда ёрдам бериш, кўча чироқлари ўрнатиш каби муаммоларни ўрганиб чиқиш бўйича мутасадди ташкилотларга топшириқлар берилди.
Шунингдек аҳоли маҳалла йўллари таъмирланганлиги, ҳудудда 9 мактаб таъмирланганлиги ва барча шарт-шароитлар бирин-кетин яратилиб келинаётганлиги учун туман ҳокими Ф.Умаровга аҳоли томонидан миннатдорчиликлар билдирилди.
Туман ҳокими келгусида бу маҳаллада яна қилинаётган ишлар хусусида гапириб берди.
Аҳолига мамлакатимизда тадбиркорларга яратилаётган имкониятлар ҳақида сўз юритиб, бу иш билан шуғулланишга доир шунингдек, қишлоқда паррандачилик, тикувчилик, қуёнчилик, иссиқхоналар қуриб иш билан банд бўлиш ва ишсизларнинг ҳам бандлигини таъминлаш юзасидан тавсиялар берди ва келгусида амалга оширилиши кўзда тутилаётган режалар тўғрисида таништириб ўтди.
Учрашув якунида туманимиз раҳбари хонадонлардаги газ босимини ҳам кўриб чиқди.
