Бугун Ромитан тумани ҳокими Умеджон Барноев ташаббуси билан 1 октябрь – “Устоз ва мураббаийлар куни” байрами муносабати билан туман марказида жойлашган 1-умумтаълим мактабида математика фани ўқитувчи лавозимида узоқ йиллар билимларини минглаб ўқувчи ёшларга беминнат улашиб келган, айни дамда юзлаб шогирдлари эришаётган ютуқлардан қувончга тўлиб, кексалик гаштини сураётган жонкуяр, фахрий устоз Олим Муродов хонадонига ташриф буюрилиб, эҳтиром кўрсатилди.
Юртбошимиз томонидан биз кекса устозларга кўплаб эътибор ва ғамхўрликлар кўрсатилаётганлигидан беҳад шодмиз дейди, – биз билан суҳбатда устоз Олим Муродов.
Шу куни узоқ йиллар биология фанидан ўқитувчилик фаолияти билан шуғулланиб 1-умумтаълим мактабида ёш авлодга таълим-тарбия бериб келган, шогирдларининг севимли устози Барфия Бобопированинг ҳам хонадонига ташриф буюрилди.
Шунингдек, узоқ йиллар давомида 1-умумтаълим мактабида рус тили фанидан ёш авлодга таълим тарбия бериб келган Мамлакат Муродованинг хонадонига борилиб устоз ва унинг оила аъзолари ҳолидан хабар олинди. Самимий кечган суҳбат жараёнида устоз ўзининг узоқ йиллик мехнат фаолияти, ҳаётий тажрибалари, билан ўртоқлашди.
Шарафли касб эгалари бўлган устоз ва мураббийларни қутлаш тадбирлари кўтаринки руҳда давом эттирилди.
