Ҳудудда амалга оширилаётган бунёдкорлик ишларни кўздан кечириш, мавжуд муаммоларни ўрганиш, янги лойиҳалар тақдимоти, шунингдек, ижтимоий-иқтисодий ислоҳотларнинг бориши даражаси билан танишиш мақсадида вилоят ҳокимининг биринчи ўринбосари Ботир Ахмедов ташрифи Вобкент туманида бўлди.
Ташрифнинг илк манзили тумандаги “Кўлиодина” маҳалласида бўлиб, Ботир Ахмедов маҳаллада «Обод хонадон – обод кўча – обод маҳалла» мезони асосида амалга оширилаётган ишлар ва 22-сонли мактабнинг таъмирлаш ишлари билан танишди.
Шунингдек маҳалла аҳолиси учун хизмат қиладиган, замонавий янгидан бунёд этилаётган 300 ўринга мўлжалланган 5-сонли мактабгача таълим ташкилотининг қурилиш-таъмирлаш ишлари ҳолати ўрганилди.
Ўрганишлар мобайнида қурувчи ва муассаса масъулларига ўзининг тавсияларини бериб ўтди. Сўнгги йилларида юртимизда таълим-тарбия тизимини тубдан такомиллаштириш, ёшларни камолга етказишнинг мустаҳкам ташкилий-ҳуқуқий механизми яратилди.
Соҳага оид қабул қилинган қатор давлат дастурларига биноан кўплаб таълим муассасалари янгидан қурилиб, энг замонавий ўқув анжомлари билан таъминланмоқда. Зеро, ҳозирги меҳнат эртанги роҳат демакдир.
ШУ билан биргаликда ушбу маҳалладаги хонадонларнинг бирида бўлиб аҳоли хонадонларида деҳқончилик ишлари, экин ерларининг экилганлиги ва оиланинг турмуш шароити билан яқиндан танишди. Хонадон эгалари билан суҳбатда бўлди.
