Бугун Ромитан туманида “Янги ҳаёт учун Янги Ўзбекистон учун!” шиори остида юртимиз Мустақиллигининг ўттиз икки йиллигига бағишланган ҳамда янги ўқув йили муносабати билан барча ўқув даргоҳларда тадбир бўлиб ўтди.
Хусусан, тумандаги 7-ихтисослаштирилган давлат умумтаълим мактабида 749 нафар ўқувчи таҳсил олади. Уларга 66 нафар мутахассис ўқитувчилар таълим-тарбия бермоқда. Таълим масканида янги ўқув йили бошланиши муносабати билан тантанали тадбир бўлиб ўтди.
Тадбирда туман ҳокими У.Барноев, туман Мактабгача ва мактаб таълими бўлими мудири Х.Зикриллаев, соҳа раҳбарлари, мактаб жамоаси, ота-оналар, нуроний устозлар иштирок этишди.
Тадбир аввалида туман ҳокими Умеджон Барноев тадбир иштирокчилари ҳузурида сўзга чиқиб, барчани мустақиллигимизнинг ўттиз икки йилиги ҳамда бошланаётган янги ўқув йили билан табриклади. Тадбир давомида ўқувчилар томонидан Ватанни тараннум этувчи шеърлар, куй-қўшиқлар, саҳна кўринишлар, бадиий дастурларини намойиш этишди.
«Биринчи қўнғироқ» тадбирларидан сўнг туман ҳокими Умеджон Барноев ушбу илм масканига илк қадам қўяётган 76 нафар жажжи ўғил-қизларга 12 турдаги ўқув қуролларидан иборат “Президент совғалари”ни топшириб, 1-“А”синф ўқувчиларига Мустақиллик дарсини ўтди.
Жорий ўқув йилида мактаб остонасига илк бор 2779 нафар жажжи ўғил-қизлар қадам қўйди.
