Вобкент туман ҳокими Ф.Умаров бошчилигида сектор раҳбарлари, қишлоқ хўжалиги масъуллари, фермер хўжалиги раҳбарлари иштирокида ҳудудларда ғўзани дефолиация қилиш, йиғим-терим мавсумига тайёргарлик кўриш бўйича ҳудудларда йиғилиш тадбирлари бўлиб ўтди.
Йиғилишда сўзга чиққан туман ҳокими Ф.Умаров жорий йилда туманда 6303 гектар майдонда ғўза дефолиацияси амалга оширилиши, мазкур тадбирни тез фурсатларда тугаллаш кўзда тутилганлиги ва мўл хирмон кўтаришни мақсад қилган фермерларларимизга пахта дефолиацияни ўтказишда айрим жиҳатларга эътибор қаратишларини айтиб ўтди.
Энг муҳими, ғўза баргини сунъий тўктириш муддатидан кечиктирмасдан ва сифатли ўтказиш, қўл теримида иш унуми 15-20 фоизга ошишига имкон беради.
Учрашувда фермер хўжалик раҳбарларини қийнаётган муаммоларни атрофлича ўрганиб ҳал этиш чораларини кўриш борасида мутасадди ташкилот раҳбарларига топшириқлар берилди.
