Бугун Ромитан тумани ҳокими Умеджон Барноев бошчилигида 1-секторга қарашли “Муғонча” маҳалла фуқаролар йиғинидаги аҳоли вакиллари билан аҳолиси билан сайёр қабули ва ёшлар билан учрашуви ўтказилди.
Самимий ва очиқ мулоқот тарзда ўтказилган учрашувда қабулда туман халқ қабулхонаси мудири, туман ҳокими ўринбосарлари, 1-сектор ишчи гуруҳи аъзолари, тегишли ташкилот, корхона раҳбарлари, маҳалла “бешлиги”, маҳалла фаоллари ҳамда фуқаролар иштирок этишди.
Аҳоли томонидан ишга жойлашиш, профессионал ва олий таълим ташкилотлари ўқувчи-талабаларининг таълим тўлов-контракт суммасининг бир қисмини қоплаб бериш, тадбиркорликни ривожлантириш учун имтиёзли кредит ажратиш, электр-энергияни яхшилаш, табиий газ билан таъминлашда амалий кўмаклашиш, бир марталик ҳамда соғлигини тиклаш мақсадида моддий ёрдам ажратиш ва бошқа масалаларга оид 10 га яқин мурожаатлар ўртага ташланди.
Мурожаатларнинг 5 таси ижобий ҳал этилиб, 2 тасига ҳуқуқий маслаҳат ва тушунтиришлар берилди ҳамда ижроси маълум муддат талаб қилинадиган 3 та мурожаатларни ижобий ҳал этиш бўйича мутасаддиларга йўналтирилди.
