Маълумки, “Маҳаллаларда биринчи даражали муаммоларни бартараф этиш ва аҳолига муносиб турмуш шароитини яратиш борасида Ромитан туманида энг долзарб масалаларни яхшилаш орқали аҳоли учун муносиб турмуш шароитини яратиш йўлида бир қатор ишлар амалга ошириб келинмоқда.
Ромитан туманидаги автомобиль йўлларининг қатнов қисмини яхшилаш, автотранспортлар ҳаракатини хавфсиз ва тўхтовсиз ташкил этишни таъминлаш мақсадида жорий йилнинг 31 июль куни туман марказида жойлашган “Бобур” маҳалла фуқаролар йиғинининг “Нурафшон” кўчасида асфальт ётқизиш ишлари “Ромитан туман йўллардан фойдаланиш унитар” корхонаси томонидан амалга оширилди.
Жами, 300 метр масофани ташкил этадиган ушбу таъмирлаш ишлари маҳаллаларга ўзгача кўрк бағишламоқда. Ушбу йўл қурилишида 10 дан ортиқ махсус техникалар ва 25 га яқин ишчи-мутахассислар тун-у кун меҳнат қилиб, вазифани қисқа вақт ичида уддалашди.
Бундан ташқари ҳозирда маҳалла ҳудудида 20 га яқин тунги ёритгич чироқлари, 500 метр масофадан ортиқ пиёдалар йўлаги ҳамда йўл қирғоғига латоклар қўйилди.
Ўз кўчалари ободлигидан кўзлари қувонган маҳалла аҳли Яратгандан юртимиз тинчлиги, ислоҳотлар бардавомлигини сўраб дуо қилишмоқда.
Бугун туманнинг қайсидир кўчасига асфальт ётқизилса қайсидир кўчасида сув чиқади қайсидир кўчасида эса йирик тадбиркорлик мажмуаси иш бошламоқда. Маҳалла аҳолисининг кайфияти эса ўзгача.
