Юртимизнинг барча ҳудудларида юрт ободлиги ва фаровонлиги йўлида «Маҳалладан хонадонгача» тамойили асосида кенг кўламдаги ободонлаштириш, кўкаламзорлаштириш ойлиги бошланди.
Зеро, маҳаллалардаги ҳовлилар, уй-жойларни тартибга келтириш, кўча-кўйларни обод этиш, атроф-муҳитнинг озода ва саришталигини таъминлаш халқимизга хос бўлган ибратли анъаналардандир.
Ромитан туманида ҳам ободонлаштириш ойлиги уюшқоқлик ва кўтаринки кайфиятда ўтмоқда, тумандаги корхона ва ташкилотлар, меҳнат жамоаларида, йўл бўйларини ободонлаштириш, дарахтларни оқлаш, бегона ўтлардан тозалаш, йўл ёқаларида кўчаларда ариқлар қазиш, кўп қаватли уй-жойлар, ижтимоий соҳа ва ҳаётий муҳим объектлар ҳамда уларга туташ ҳудудларни тартибга келтириш, бозорлар ва маҳаллаларда ободонлаштириш ишлари олиб борилмоқда.
Кўчаю хиёбонлар, кўп қаватли уйлар, муқаддас қадамжолар атрофи тартибга келтирилмоқда. Деҳқон ва буюм бозорлари ҳудудлари тозаланиб, санитар ҳолатларни яхшилашга жиддий эътибор қаратилмоқда.
