Метеорологлар фикрича, ҳозирги иссиқлик ўтган минг йилликда кузатилмаган. БМТ бош котиби «глобал исиш даври тугади, глобал қайнаш даври келди», деди.
Бу йилги июль, афтидан, рекорд даражадаги энг иссиқ ой бўлади. Жаҳон метеорология ташкилоти (ЖМТ) ва Европа Ерни масофадан туриб зондлаш дастури – Copernicus’нинг 27 июль, пайшанба куни маълум қилишича, жорий ойнинг дастлабки уч ҳафтасида ўртача глобал ҳарорат кўплаб минтақаларда жазирама тўлқинлар туфайли ўтган йиллардаги ҳароратдан сезиларли даражада ошиб кетган.
