2022 йилда Ромитан туманининг “Қоқиштувон” маҳалла фуқаролар йиғинида ташкил этилган касбга ўқитиш маскани ҳудуд аҳлининг узоғини яқин қилди, боиси туман марказидан чекка ҳудудларида жойлашган маҳалла аҳли ҳунар ўрганиш учун Ромитан туманидаги мономарказга маълум бир масофани босиб ўтишларига тўғри келар эди. Бир йил давомида ушбу марказда 500 га яқин аёллар ҳунар ўрганди, ўқишни муваффақиятли тамомлаган ҳар бир бититрувчига махсус сертификатлар топширилиб, ўз йўналишида мавжуд бўлган бўш иш ўринларига жойлаштирилди.
Бугун ушбу масканнинг навбатдаги 80 нафар битирувчилари ўқишни тамомлашга мувофақ бўлдилар. “Қоқиштувон” маҳалласидан жамланган 80 нафар аёллар 2 ой давомида тикувчилик, пазандачилик, гилам тўқувчилик сирларини ўзлаштириб, ҳунар эгаллашди.
Бухоро вилоят хотин-қизлар тадбиркорлик маркази раҳбари Сарвиноз Акрамова, туман ҳокими ўринбосари, Оила ва хотин-қизлар бўлими бошлиғи Зулхумор Аслоновалар битирувчиларга сертификатларни топширкан экан, хотин-қизларга ушбу масканда эгаллаган чеварчилик ҳамда пазандачилик ҳунарлари мўл даромад келтиришини тилашди.
