Травматология соҳасини янада мукаммал ўрганиш тиббиёт олимлари олдида турган вазифалардан биридир. РШТЁИМ Бухоро филиали шошилинч травматология бўлими врачи Ҳусниддин Темирович Фозилов ўзининг илмий ишида тизза бўғими остеоартритида кам инвазив артроскопик усул ва кичик болдир суяги проксимал қисмидан остеотомия йўналишини қўллаб, ушбу касалликка бўлган янги оператив даво стандартларини қўллади.
Уларнинг асоратларини олдини олиш ҳамда даво тамойилларидаги энг кўп кузатиладиган даволаш ва профилактикаси мавзусига қўл урди. У Республика травматология ва ортопедия илмий амалий тиббиёт маркази директори, т.ф.д, профессор М.Э.Ирисметов раҳбарлиги остида “Тизза бўғими деформацияловчи остеоартритида артроскопик дебридимент ва проксимал фибуляр остеотомия усулида даволашни оптималлаштириш” мавзусида илмий иш (14.00.22)ни мувоффақиятли ҳимоя қилишга эришди.
Шу муносабат билан РШТЁИМ Бухоро филиалининг эрталабги йиғилишида директор Т.Мусоев томонидан Ҳ.Фозиловга тиббиёт фанлари бўйича фалсафа фанлари доктори (PhD) дипломи топширилди. Қутловда марказни барча бўлим мудирлари, масъуллар, ординаторлар қатнашиб ушбу мувоффақият билан ёш шифокор олимни табриклаб, илмда янада юқори поғоналарга кўтарилишига улкан зафарлар тиладилар.
Шунингдек, Т.Мусоев томонидан Ҳ.Фозиловнинг марказда шошилинч тиббий хизмат кўрсатишнинг травматология соҳасида илмий изланиш олиб борганлиги ва мувоффақиятга эришганлигини эътироф қилиниб, унинг ўз устида ишлаб янада улкан натижаларга эришишига умид билдирилди. Барча йиғилиш қатнашчилари билдирилган тилак ва истакларни кўтаринки руҳда қўллаб-қувватладилар.
