Давлатимиз раҳбари томонидан амалга оширилаётган барча ислоҳотлар замирида халқимизнинг турмуш фаровонлигини яхшилаш, одамларимизнинг бахтли яшашини таъминлашдек эзгу мақсадлар мужассам.
Зеро, халқ билан мулоқот қилиш, уларнинг муаммоларини ўрганиш, ижобий ҳал этиш устувор масала сифатида илгари сурилгани халқимизнинг давлатдан, жамиятдан рози бўлиб бўлишида муҳим омил бўлмоқда.
Вобкент тумани 3-сектор штабида ўтказилган навбатдаги оммавий сайёр қабул ҳам аҳоли билан тўғридан-тўғри мулоқотни кенгайтириш, мавжуд долзарб муаммоларни аниқлаш, уларни бевосита жойида бартараф этиш юзасидан аниқ ва тезкор чоралар кўриш мақсадига қаратилганлиги билан аҳамиятли бўлди.
Бўлиб ўтган ушбу қабулда туман ИИБ бошлиғи Ў.Сойибов, туман ҳокими ўринбосари Ю.Зухурова, Халқ қабулхонаси мудири Л.Шарипова, тумандаги ташкилот ва идоралар раҳбарлари, маҳалла ходимлари, бошқа мутасаддилар қатнашдилар.
Юзма-юз бўлиб ўтган ушбу очиқ мулоқотда субцидия асосида тикув машинаси олиш, кредит олишда ёрдам, ҳарбий хизмат тўловини тўлаш, иш билан таъминлаш масалаларга оид 16 та мурожаат келиб тушган бўлса уларнинг 7 таси шу ернинг ўзида ҳал этилган бўлса, 2 тасига ҳуқуқий, 2 тасига тушунтириш ва қолган мурожаатларга ўрганиш учун муддатлар белгиланди.
Бирламчи муҳокама этилган сайёр қабулдаги барча мурожаатларни ўз муддатида кўриб чиқиш ва ўрнатилган тартибда ҳал этиш чора-тадбирлари белгиланди.
Бу борада раҳбарлар томонидан ташкилот ва корхоналарнинг мутасадди раҳбарларига топшириқ ва кўрсатмалар берилди.
Шу билан биргаликда сайёр қабуллар давомида тикув машинаси ва электро муравей сўраб мурожаат қилган фуқароларга шу ернинг ўзида уларнинг муаммолари ҳал этилди.
