Муҳтарам вобкентликлар!
Ҳурматли деҳқон ва фермерлар!
Қадрли агрокластер эгалари!
Аввало, сиз азизларни, сизларнинг тимсолингизда бутун халқимизни туманда ғалла режасини ортиғи билан вилоятда иккинчи бўлиб бажаргани билан чин қалбимдан табриклаб, барчангизга энг эзгу ва самимий тилакларимни билдиришга ижозат этгайсиз.
Ушбу кунда ризқ-рўзимиз бунёдкорлари – миришкор деҳқон ва фермерлар, заҳматкаш чорвадор ва пиллакорлар, моҳир сувчи ва ирригаторлар, ўз ишининг ҳақиқий устаси бўлган механизатор ва агрономларимизга чуқур ҳурмат бажо келтириб, чин дилдан таъзим қиламиз.
Дунёдаги энг қадимий ва олижаноб касб эгалари ҳисобланган, эл-юрт дастурхонини тўкин ва фаровон этадиган ғоят муҳим соҳанинг залворли юкини ўз елкасида кўтариб келаётган сизлар каби юртдошларимизнинг фидойи меҳнати ва жасорати ҳар қандай юксак эътирофга муносибдир.
Шу хурсандчилик кунларда барчамиз сизларни ғалаба билан муборакбод этар эканмиз, бу йилги машаққатли меҳнатингиз, эришилган натижалар ва олдимизда турган режалар ҳақида фикр юритишимиз табиий, албатта.
Ҳуш хабарнинг қаноти бор, дейди доно халқимиз. 2023 йил 18-июнь куни деҳқончиликка ғалла етиштириш бўйича илғор тажриба ва иш усулларини муваффақиятли жорий этган Вобкент туманининг азамат ғаллакорлари давлатга дон сотиш йиллик топшириғини вилоятда иккинчи бўлиб ортиғи билан бажардилар. Жами 6210 гектар ердан 13 минг 566 тонна сара дон етиштириб олинди.
Қувонарлиси шундаки туманда амалдаги йил ҳосили учун ажратилган майдонларга серҳосил “Алексеевич”, “Старшина” ва “Вата” навлари экиб сифатли парваришланди. Экилган 6210 гектар майдоннинг ҳар гектаридан 60 центнердан, жами 13 минг 566 тонна буғдой ишлаб чиқаришга эришилди. Ҳар бир эришилган ғалаба замирида дала миришкорларининг йил давомида қилган фидокорона меҳнатлари об ҳаво инжиқликларини мустаҳкам ирода ва бой тажриба билан енгиб ўтишга бўлган зўр иштиёқ ва эзгу мақсадлар рўёби йўлидаги интилиш-у омилкорлик маҳорати мужассам.
Шу ўринда улкан меҳнат ютуғимизга муносиб ҳисса қўшган вилоятнинг қишлоқ хўжалигига даҳлдор ташкилотлар, ғаллакорларимиздан керакли маслаҳатларини аямаган мутахассислар, вилоят ҳокимлиги раҳбарларининг катта кўмак берганликларини алоҳида таъкидлаш жоиз. Қоровулбозор массивида чўл шароитида астойдил тер тўккан “Янги ҳаёт ариғи” СИУга қарашли ғайратли фермер хўжаликларимизнинг туман ғалабасига қўшган ҳиссаси салмоқлидир.
Ўрим йиғим мавсумида фидокорлик намуналарини кўрсатган юқори унумли 23 та комбайнлар ва 100 га яқин ташувчи техникалар ёрдамида 14 иш кунида қўлга киритилгани қувончлидир. Ҳосилни тезроқ саранжомлаб олишдан, дондан бўшаган ерларга такрорирй экинлар экиш ютуқларни мустаҳкамлаш учун бутун куч ғайратларини ишга соладилар.
Азиз вобкентлик деҳқон ва фермерлар, азиз сувчилар ва кластерлар ходимлари!
Сизларни яна бир бор эришган ғалабангиз – билан чин дилдан табриклайман. Барчангизга сиҳат-саломатлик, оилавий бахт-саодат, масъулиятли ва шарафли меҳнат фаолиятингизда улкан зафарлар, хонадонларингизга қут-барака ва хотиржамлик ҳамиша ёр бўлишини тилайман.
Вобкент туман ҳокими Фарход Умаров
