Ҳокимлик ахборот хизмати хабарига кўра, тумандаги 251 та фермер хўжалиги томонидан жорий йилда 5980 гектар дон экилган бўлиб, ўртача 26,3 центнер ғалла мажбурияти топширилиши кўзда тутилган.
31 май куни туманда ғалла ўримига старт берилиб, айни пайтда ғалла йиғим-терими қизғин паллага кирди.
Ромитан тумани ҳокими Умеджон Барноев ташаббуси билан ғалла йиғим-терими мавсумида энг юқори натижага эришган яъни 1-ўринни эгаллаган механизаторга “DAMAS” автомашинаси;
2-ўринни эгаллаган механизаторга 43 диаметрли телевизор ва Пойтахтга дам олиш учун 2 та йўлланма;
3-ўринни эгаллаган механизаторга 32 диаметрли телевизор ва Пойтахтга дам олиш учун 2 та йўлланма тақдим этилади.
Барча механизаторларни йиғим-теримда фаол иштирок этишларини ва ғолиб бўлишларини тилаб қоламиз, дейилади хабарда.
