Куни кеча Ромитан тумани ҳокимлигининг кичик мажлислар залида туман ҳокими Умеджон Барноев АҚШнинг “Doubletri Capital Bank” молия ташкилоти раҳбари Ричард Чой билан туманда истиқболли лойиҳаларни молиялаштириш ҳамда амалга ошириш, хусусан, “Ғ-ЭИЗ” Ромитан тумани филиалининг ташкил этилиши ва унда мавжуд бўладиган имтиёзлар тўғрисида музокаралар олиб борди.
Учрашувда туман прокурори Ф.Атоев, ИИБ бошлиғи Ш.Ҳайитов, ДСИ бошлиғи Б.Ғайбуллаев, туман ҳокими ўринбосарлари иштирок этишди.
Молия ташкилотига туманнинг “Ғ-ЭИЗ” Ромитан тумани филиалида қуёш панеллари ишлаб чиқариш, қуёш электр станцияларини барпо этиш ҳамда электромобиллар ишлаб чиқариш бўйича таклифлар ҳам атрофлича муҳокама қилинди.
Мазкур соҳани бевосита туманнинг ўзида жорий этиш мақсадида амалдаги ҳамда келгусидаги истиқболли лойиҳаларни амалга ошириш учун барча кафолатли шарт-шароитлар таъминланиши таъкидлаб ўтилди.
