Бугун, 12 май – Халқаро ҳамширалар куни муносабати билан Ромитан тумани ҳокимлиги ва туман Тиббиёт бирлашмаси бўлими томонидан туман марказида жойлашган “ШОХОНА” тантаналар саройида туманимиз тиббиёт муассасаларида фаолият кўрсатиб келаётган бир гуруҳ ҳамширалар ва ўрта тиббиёт ходимлари учун байрам дастурхони ёзилди.
Тадбирда сўз олган туман ҳокими ўринбосари З.Аслонова, туман Кенгаши котибият мудири Р.Атоева, ҳудуд депутатлари М.Атоева, М.Жумаева ҳамда туман Тиббиёт билмашмаси бошлиғи Ж.Тохировлар ҳамширалик касбининг қанчалик машаққатли ва масъулиятли эканини, шу билан бирга шарафли касб эканлигини таъкидлаб йиғилганларни байрам билан қутлашди.
Ҳамшира деганда кўз ўнгимизга қўли енгил, сўзи ширин, юзи кулиб турадиган ва ҳар қандай вазиятда беморга беминнат кўмак беришга тайёр малакали мутахассис гавдаланади. Тиббиёт масканларида фидойи бўлиб, ўзига юклатилган бемор парваришини сидқидилдан меҳр билан амалга оширадиган соҳа вакилларидан, албатта, халқимиз ҳам, раҳбарият ҳам чексиз миннатдордирлар.
Тадбир давомида соҳада самарали хизмат қилиб келаётган ҳамшира ва ўрта тиббиёт ходимларига туман ҳокимлиги ҳамда туман Тиббиёт бирлашмаси бўлимининг фахрий ёрлиқ, ташаккурнома ва эсдалик совғалари топширилди.
