Иккинчи жаҳон урушида ҳалок бўлган юртдошларимиз хотирасини ёд этиш, оловли жанггоҳлардан омон қайтган, оғир кунларни сабр-бардош билан енгган, фронт ортида меҳнат қилган фахрийларимизга юксак эҳтиром, меҳр-оқибат кўрсатиш давлатимизнинг ҳамиша эътибор марказида бўлиб келган.
Ромитан туманида ҳам 9 май – “Хотира ва қадрлаш куни” муносабати билан туман ҳокими Умеджон Барноев бошчилигида туман Нуронийлар кенгаши раиси Олим Жумаев ва тегишли мутасаддилар “Челонғу” маҳалла фуқаролар йиғини “Юқори Чандир” қишлоғида яшовчи 104 ёшли Бибихол буви Абдуллаева хонадонига ташриф буюриб, онахон билан дилдан суҳбат қуришди ҳамда “Саховат ва кўмак” умумхалқ ҳаракати жамоат фонди ҳисобидан байрам совғалари, озиқ-овқат маҳсулотлари топширилди.
– Сиз бугунги кунда амалга оширилаётган ишларингизни болаларим ва набираларим айтиб туради шу сиз билан кўришиш борасида шуни айтмоқчиманки сиз Ромитан туманимизга мустаҳкам қўрғон бўлиб хизмат қилмоғизни тилаб қоламан Умеджон ўғлим деб юртбошимизга ва туман аҳолисини ҳам дуо қилдилар Бибихол буви.
Туманимизда Бибихол она сингари ёши улуғ нуронийларимиз талайгина. Ҳаётлари ҳаммамиз учун ибратли, ҳамон эл-юрт тараққиёти ҳақида куюнаётган бундай дуогўй нуронийларимиз билан ҳар қанча фахрлансак арзигуликдир.
