Жорий йилда Ромитанда 874 қути қурт уруғидан 225 тонна юқори навли ҳосил олиш режалаштирилган. Бу ҳақида туман ҳокимлиги ахборот хизмати маълумот бериб ўтди.
Бугун, 8 май куни туман ҳокимининг қишлоқ ва сув хўжалиги масалалари бўйича ўринбосари Аброр Рахматов, туман қишлоқ хўжалиги бўлими бошлиғи Бобир Солиев ва қатор мутасадди раҳбарлар ҳамроҳлигида “Навбаҳор” МФЙда жойлашган “Пилла” қабул қилиш пунктида илк ҳосилни қабул қилиш жараёнида иштирок этишди.
Пилла етиштиришда ҳисса қўшган барча инсонлар билан самимий суҳбат қурилиб, улар орасида ўзининг фаоллиги билан бошқа ҳамкасбларининг ижобий эътирофига сазовор бўлган меҳнаткашларга ҳамда биринчиларда бўлиб пилла ҳосилини топширган ва энг юқори ҳосил олган пиллакорларга туман ҳокимлигининг эсдалик совғалари топширилди.
Пиллакорлар учун белгиланган барча тўловлар нақд пул шаклида жойнинг ўзида тақдим этилмоқда.
Туман ҳокими ўринбосари Аброр Рахматов пилла хирмони борасида мутасаддилар билан фикр алмашиб, олдинда турган вазифалар хусусида тўхталди. Олдинда бажарилиши керак бўлган зарурий ишларнинг барча тартиблари билан яқиндан танишди ва қўшимча таклифларни таъкидлаб ўтди.
