Республика шошилинч тиббий ёрдам илмий маркази Бухоро филиали ташаббуси билан Саломатлик акцияси доирасида “Инсон қадри учун” шиори остида 2023 йил 28 апрел куни Бухоро шаҳридаги кўп тармоқли марказий поликлиникасида аҳолининг чуқурлаштирилган кенг қамровли тиббий кўриги ташкил қилинди.
Тиббий кўрикда Россия Федерациясининг етук мутахассислари ва хорижий давлатларнинг етакчи клиникаларида ўз билим ва малакаларини ошириб келган тажрибали кардиолог, кардиохирург, аритмолог, хирург, гинеколог, ЛОР, терапевт, офтальмолог, травматолог, нейрохирург, қон-томир жарроҳи ва бошқа мутахассислар томонидан беминнат амалга ошириди. Тиббий кўрикда замонавий диагностик текширув усулларидан фойдаланилди.
Шунингдек тиббий кўрик жараёнида кардиологик, аритмологик, қон-томир хирургияси (варикоз) ҳамда буйрак ва жигар трансплантацияси операциясига муҳтож бўлган беморлар танлаб олиниб, уларда юқори технологик кам инвазив операцияга тавсия килинди. Жами шахарнинг 955 нафар ахолиси чукурлаштирилган тиббий кўрикдан ўтказилиб, 613 нафарига амбулатор даволаниш тавсия қилинди, 40 нафар беморлар стационар шароитида даволанишга мухтож деб топилди. Уларнинг 9 нафари имтиёзли ордер асосида даволаниш режалаштирилди. Аникланган беморларнинг 8 нафари жаррохлик операциясига тавсия килинган булиб, шундан 1 нафари Бухоро шахар касалхонасида РШТИЁМ бухоро флиали мутахасислари бошчилигида операция килинди. Чукурлаштирилган тиббий курикдан утган 6-23 ойгача бўлган болаларнинг 234 нафар болаларга (NUTROMIX) микронутриент кукуни билан бепул таъминланди.
Тиббий курик давомида лаборатор текширувлардан; 60 нафар ахолидан умумий кон тахлили, умумий сийдик 55 та, биохимия тахлиллари 22 нафарни ташкил килади. 121 нафар ахолиси УТТ диагностик текширувидан утказилган, 45-65 ёшгача булган аёлларнинг 26 тасига маммографик текшируви бажарилган. Шунингдек 5 нафар фуқаро донорлик учун қон топширишган.
Бундан ташқари, тиббий кўрик жараёнида тиббиёт ходимлари томонидан фуқароларга соғлом турмуш тарзини шакллантириш, хусусан жисмоний фаолликни ошириш, мунтазам равишда ҳар куни эрталаб ва кечки овқатдан сўнг пиёда юриш, зарарли одатлардан воз кечиш юзасидан суҳбатлар ўтказилди ҳамда соғлом овқатланиш тамойиллари бўйича кўргазма ташкил қилиниб, буклетлар тарқатилди.
