Ёшлар қудрати давлатимизнинг эртанги куни, янги Ўзбекистонимизнинг пойдевори саналади. Зеро, уларнинг соғлом ва комил инсон бўлиб вояга етишлари мамлакат истиқболини белгилаб беради.
Аввал хабар берганимиздек, куни кеча мини-футбол ва футбол турлари бўйича “ДХХ кубоги” мусобақаси учун қуръа ташлаш жараёни бўлиб ўтган эди.
Куни кеча Ромитан тумани ҳокимлиги, Ёшлар ишлари агентлиги туман бўлими, туман спорт мактаби ва Давлат хавфсизлик хизмати ҳамкорлигида 16 ёшдан 30 ёшгача бўлган ёшлар ўртасида мини-футбол бўйича “ДХХ кубоги” мусобақаларига старт берилди.
Маълумот ўрнида, “ДХХ кубоги” мусобақасининг туман босқичи жорий йилнинг 15 апрелидан 15 майга қадар ўтказилади. Туманнинг 45 та МФЙдаги 16 ёшдан 30 ёшгача бўлган уюшмаган ёшларидан иборат 43 та жамоа гуруҳларга бўлинган ҳолда майдонда туп суришади.
