“Инсонга эътибор ва сифатли таълим йили”да инсонлар кўнглини кўтариш, ватанга муҳаббат ва оила садоқатини таъминлаш мақсадида бир қатор маънавий-маърифий, ижтимоий-маданий тадбирлар ўтказилиб, унда иштирок этаётганларга юртимизда бўлиб ўтаётган воқеалардан хабардор қилинмоқда.
Ана шундай тадбирлардан бири Ромитан тумани ҳокимлиги, “Маҳалла” хайрия жамоат фонди, Маҳалла ва нуронийларни қўллаб-қувватлаш бўлими ҳамкорлигида ҳар куни навбати билан маҳаллаларда ифторлик тадбирлари ташкил этилмоқда, бу ифторликларда маҳаллалар оқсоқоллари, фаоллари, эҳтиёжмандлар иштирок этишмоқда, ташкилотчиларга миннатдорчилик билдириб, юртимиз равнақи учун дуолар қилишмоқда.
Ромитан тумани “Боғча” маҳалла фуқаролар йиғинида жойлашган “Зебузар” ва “Жасурбек” тантаналар мажмуасида 3-секторга қарашли “Зарафшон”, “Ибн Сино”, “Гулистон” ва “Бобур” маҳалла фуқаролар йиғинларининг барча кўчаларидан 750 нафарга яқин вакиллари ифторлик дастурхонига таклиф қилинди. Унда туман ҳокими Умеджон Барноев, туман ИИБ бошлиғи Шаҳоб Ҳайитовлар ҳам иштирок этди.
Рамазон инсонларни ўзаро меҳр-оқибатли бўлишга, кексалар ва беморлар, яқинлар ҳолидан хабар олишга, муҳтожларга хайр-саховат қилишга чақиради.
Туманнинг барча маҳалла, кўча ва қишлоқларида сектор раҳбарлари, диний идоралар вакиллари ҳамда оқсоқоллар иштирокидаги серфайз ифторликлар давом этмоқда.
