Рамазон ойи нафақат ибодат, Аллоҳнинг ажру савобларига эришиш, балки хайру саховат, инсонлар ўртасида меҳр-оқибат ришталарини мустаҳкамловчи муборак ойдир.
Ифторлик – савоби улуғ амал. Бугунги муқаддас Рамазон кунларида ўзини мусулмонман деган киши борки саховат кўрсатиш, инсонпарварлик, дўстлик ва ҳамжиҳатлик каби олижаноб туйғуларга асосланган ислом дини мазмун-моҳиятидан келиб чиқиб, қўни-қўшни маҳалладошлари холидан хабар олишга, эҳтиёжмандларга мурувват қўлини чўзишга, бир-бирига ўзаро меҳр-оқибат кўрсатишга ошиқмоқда.
Вобкент туман ҳокими томонидан туманнинг 1-сектор ҳудудидаги “Чўрикалон” маҳалласида истиқомат қилаётган кам таъминланган рўзадор оила Жамшид Саидов хонадонида ифторлик дастурхони ёзилди ва ўтганларнинг руҳларига бағишлаб дуо қилинди.
Муқаддас Рамазон ойи муносабати билан ўтказилган ифторликда туман ҳокими Фарҳод Умаров ва маҳалла ходимлари иштирок этишди.
Бундай саховат тадбирлари тумандаги барча маҳаллаларда давом этмоқда.
