Таълим-тарбия инсон камолотининг асосий бўғини. Зеро, бу йўналиш жамиятимизнинг устувор масалаларидан бирига айланган.
Ўзбекистон Республикаси Олий Мажлиси Қонунчилик палатаси Спикери Нуриддинжон Исмоилов Вобкент туманига ташриф буюриб тумандаги 1-умумтаълим мактабида бўлди.
Олий Мажлиси Қонунчилик палатаси Спикерига туман ҳоким Ф.Умаров ҳамроҳлик қилиб, мактабда таълим-тарбия жараёни, таълим муассасалари ҳаётини ўрганишди. Мактабнинг таълим ва тарбия сифатига тайёргарлик ҳолати атрофлича кўздан кечирилди.
Шу ерда мактабнинг иқтидорли битирувчи ўқувчилари билан суҳбатлашиб, уларнинг келажакдаги режалари билан қизиқишди.
Шунингдек, мактаб ўқитувчилари билан дилдан суҳбатлашилди, уларнинг фикр-мулоҳазаларини тингланди. Олий Мажлиси Қонунчилик палатаси Спикери Нуриддинжон Исмоилов ўқув-тарбия ишларини янги босқичга кўтариш юзасидан ўқитувчиларга тавсиялар берди.
