Бухоро шаҳар А.Дониш МФЙ раиси фаолиятидан норози бўлиб қолдирилган мурожаат юзасидан ўрганиш ишларини олиб бориш мақсадида, Маҳалла ва нуронийларни қўллаб-қувватлаш бошқармаси шаҳар бўлими ходими Х.Зиёдуллаева, МФЙ раиси Б.Алимов профилактика инспектори М.Саломов ва хоким ёрдамчиси Ш.Рамазоновалар иштирокида Бухоро шаҳар Қ.Муртазоев 16-умумий ётоқхонада яшовчи фуқаролар билан учрашиб сухбат ўтказилганда, интернет тармоғидаги мурожаатни Эргашева Моҳигул Эрниёзовна томонидан қолдирилганлиги маълум бўлди.
Ўрганиш давомида, фуқаро М.Эргашева “Аёллар дафтари” рўйхатида турсада, 2023 йил 18 март куни Бухоро шаҳар 4-сетор биносида “Аёллар дафтари” рўйхатида турган хотин-қизлар учун ажратилган 1.200.000 сўм ёрдам пули унга берилмаганлигидан норози бўлиб, интернет тармоғида мурожаат қолдирганлиги маълум бўлди.
Фуқаро М.Эргашеванинг қолдирган мурожаати бўйича унга 2023 йил 18 март куни “Аёллар дафтари” рўйхатида турган хотин-қизларга берилган 1.200.000 сўмлик ёрдам пули фақатгина ушбу рўйхатнинг 3-тоифаси яъни боқувчисини йўқотган хотин-қизлар учун ажратилганлиги, у эса рўйхатнинг 4-тоифаси яъни 1-2-гурух ногиронлиги бўлган ҳамда тез тиббий ёрдамга муҳтож эҳтиёжманд хотин-қизлар тоифасига киритилганлиги тушунтириб ўтилди.
Фуқаро М.Эргашевага МФЙ томонидан кўрсатилган ёрдамлар:
- Фуқаро М.Эргашевага маҳалла томонидан марҳум акаси
27.04.1985 йилда туғилган Эргашев Уткир Эрниязовичнинг вафот этганлиги (қотилик натижасида) бўйича 2022 йил 1 октябрь куни тазия маросимини ўтказилишига кўмаклашиш мақсадида, зарурий жиҳозлар(кафан ва бошқалар) учун 1.100.000 сўмлик, майитни ювиш учун 400.000 минг сўмлик, юк автомашинаси учун 120.000 сўмлик, шунингдек, бошқа шу каби харажатлар маҳалла фуқаролар йиғини раиси томонидан қопланган. - 09.09.2022 йилда савдо дўконини таъмирлаши учун 760.000 сўмга бўёқ ва ленониум олиб берилган;
- 09.11.2022 йилда субсидия асосида компютер жамланмаси ва рангли принтер олиб берилган.
Бундан ташқари, фуқаро М.Эргашева 2022 йил январ ойидан буён “Аёлар дафтари”нинг 4-тоифасига (1-2-гурух ногиронлиги бўлган ҳамда тез тиббий ёрдамга муҳтож эҳтиёжманд хотин-қизлар) киритилган бўлиб, кўзини операция қилиши учун 10.000.000 сўм пул ажратилиши жараёнида.
