Хотин-қизларга Ўзбекистондагидек ҳурмат-эътибор дунёнинг бирорта мамлакатида йўқ. Бизнинг юртимизда ҳар йили 8 Март –Халқаро хотин-қизлар байрамига алоҳида тайёргарлик кўрилади. Мамлакат бутун бир гулдастага айланади. Бу йил ҳам ушбу байрам кўтаринки руҳда кутиб олинмоқда.
Президентимизнинг аёлларга бўлган эҳтиромини бугун рўйи рост кўришимиз мумкин. Жойларда ўтаётган тадбирлар Президентимиз Фармонининг ижроси ўлароқ, жамиятдаги хотин-қизларнинг барча қталамларини қамраб олди.
Хусусан,бугун Вобкент туманининг муҳташам “Нодиршоҳ” тантаналар саройида туман ҳокимлиги ва туман маданият маркази томонидан ташкил этилган тадбирда фахрий ва фаол аёллар қаторида кам таъминланган, боқувчиси йўқотган, корхона ва ташкилотда ишлайдиган аёллар ҳамда минг ойни қаршилаган нуроний онахонлар ҳам иштирок этдилар.
Тадбир иштирокчиларини туман ҳокими ўринбосари Ш.Ҳусенов байрам билан табриклаб, мақтов ёрлиқлари, дипломлар ва совғаларни тақдим этдилар. Даврадаги барча хотин-қизларга гуллар ва эсдалик совғалари топширилди.
