РТТЁМ Бухоро вилоят филиали директор ўринбосари А.Бобожонов
Бахтсиз ҳодисада жароҳатланганларга биринчи тиббий ёрдам кўрсатиш, юракни уқалаш ва сунъий нафас олдиришни бажариш бўйича ҳаракатлар мавзусида ўқув-услубий машғулоти ўтказилди.
Фавқулотда вазиятларда тез ёрдам хизматининг воқеа жойига тез ва ўз вақтида кела олмайдиган ҳолатлар учраб туради. Шунинг учун фавқулотда вазиятларда жабрланганларга биринчи ёрдам кўрсатиш, шу билан уларнинг саломатлиги ва ҳаётини сақлаб қолиш жуда муҳимдир. Муваффақиятнинг асоси – жабрланган инсоннинг ёнида, тегишли билим ва амалий кўникмаларга эга бўлган шахс томонидан кўрсатилган ёрдамдир.
Ходимларнинг касбий билим ва кўникмаларини ошириш мақсадида, бугун БАХТСИЗ ҲОДИСАЛАРда жароҳатланганларга биринчи тиббий ёрдам кўрсатиш, юракни уқалаш ва сунъий нафас олдиришнини бажариш бўйича ҳаракатлар мавзусида меҳмонхона ходимлари билан ўқув-услубий машғулот ўтказилди.
Ўқув машғулотини, РТТЁМ Бухоро вилояти филиали Бухоро шаҳар марказий тез тиббий ёрдам врачлари -Қосимова Д, Наимов О, Рўзиқулов Ф, Атавуллаев Н, Болтаев О, Муродова С. олиб бордилар.
Уларнинг таъкидлашича, биринчи ёрдам инсон ҳаётини сақлаб қолиш учун энг оддий фавқулодда чоралар мажмуаси. Ҳар бир инсон, Бахтсиз ҳодисада жабрланувчига махсус тайёргарлик ва кўникмаларга эга бўлиб ёрдам кўрсатиш ҳуқуқига эга.
Шунингдек, биринчи ёрдам кўрсатишда, билвосита юракни уқалаш тартиби, ўпканинг сунъий нафас ва юрак тўхтаб қолиши ҳолатида биринчи тиббий ёрдам кўрсатиш, жабрланувчига турли хил бахтсиз воқеа юзага келган вақтда, тананинг ётган ҳолатдаги энг оптимал кўриниши ва тез қарор қабул қилиш вазиятларини кўрсатиб берди.
