Юқори технологияли мураккаб операцияни бажариш учун бор-йўғи 30 дақиқа етарли бўлди. Наркозсиз, жароҳатсиз ва атиги икки сантиметрли кесма билан 64 ёшли Гафур Шарипов оғир хаталикдан халос бўлди.
Бугун РШТЁИМ Бухоро филиалида Бухоро вилоятида илк маротаба юракка 3 камерали кардиоресинхронловчи терапияли кардиовертер-дефибриллятор (CRT) аппарати ўрнатилди. Ушбу аппарат юрак етишмовчилигини даволаш ва ҳаёт учун хавфли аритмиялар, қоринча тахикардияси ёки қоринча фибрилациясини бостириш учун мўлжалланган комбинацияланган қурилма ҳисобланади.
CRT функциясига ега юрак стимуляторлари юракнинг синхрон қисқаришини тиклашга ва натижада юрак етишмовчилиги билан боғлиқ аломатларни йўқ қилишга қодир. Тадқиқотлар шуни кўрсатдики, CRT имплантациясидан сўнг беморларнинг умумий аҳволи ва ҳаёт сифатини яхшиланади, жисмоний зўриқишларга чидамлиликни оширади.
Бемор бир неча йилдирки, ҳаво етишмаслик ҳисси, тез чарчаш, ҳансираш, кучли умумий ҳолсизлик каби шикоятлар билан пойтахт ва хорижий клиникаларда шифо истаб овора бўлиб юрган, иқтисодий қийинчиликлари туфайли охир оқибат Республика шошишилнч тиббий ёрдам илмий маркази Бухоро филиалига мурожаат қилиб келди ва дардидан фориғ бўлди. Айни пайтда бемор ўзини жуда яхши ҳис қилмоқда ва тиббиёт ходимларидан миннатдор.
Ҳурматли президентимиз “Ўзбекистон – Инсон қадри устувор бўлган юрт!” шиори остида олиб бораётган сиёсати замирида ҳам, халқимиз аҳолиси сарсон-саргардон бўлмаслиги кўзда тутилган. Ҳукуматимиз томонидан олиб борилаётган оқилона сиёсат, соғлиқни сақлаш тизимини ислоҳ қилиш самараси ўлароқ, ҳозирги кунда оғир дардга чалинган, доимий даволаниш курсларини олиб юришга мансуб гуруҳлар қаторига кирувчи беморлар, ватандошларимиз ўз она юртида шифо топиш бахтига эришмоқда.
Ибн Сино юрти саналган Бухоро вилояти айни кунларда замонавий тиббиётнинг шундай энг илғор ютуқларига гувоҳ бўлмоқда.
