Бухоро вилоятининг барча ҳудудларида ўтказилаётган «Хавфсиз ҳудуд» кенг қамровли тезкор ҳамда профилактик тадбирлари доирасида жорий йилнинг 19 январь куни Бухоро вилояти ИИБ ЖҚБ ходимлари томонидан ўтказилган «Орият» махсус тезкор тадбири давомида Бухоро шаҳрида яшовчи 1978 йилда туғилган С.Ш исмли аёл ғаразли ва паст ниятлар ҳамда моддий манфаатдор бўлиш мақсадида, фуқаролар И.У. ва Т.Ш. ларнинг ўзаро жинсий алоқа қилишлари учун Бухоро шаҳар Алпомиш кўчасидаги кўп қаватли уйнинг таниши А.Л. га тегишли хонадонида алоҳида шароит яратиб бериб, бунинг эвазига фуқаро И.У. дан 100.000 сўм миқдоридаги пулларни олиб, фоҳишахона ташкил қилганлиги аниқланди.
Мазкур ҳолат юзасидан Бухоро шаҳар ИИО ФМБ томонидан Ўзбекистон Республикаси Жиноят Кодексининг 131-моддаси 2-қисми билан жиноят иши қўзғатилиб, дастлабки тергов ҳаракатлари олиб борилмоқда.
