Бугун Вобкент тумани ҳокими Ф.Умаров ва туман прокурори Ж.Восиев билан биргаликда Чоршанба деҳқон бозорининг нархлар ҳолатини кўздан кечирди.
Янги йил байрамига ҳам саноқли кунлар қолди. Табиийки, байрам арафасида озиқ-овқат маҳсулотларига эҳтиёж ортиши натижасида нархлар кўтарилиши кузатилади.
Бунинг олдини олиш мақсадида Вобкент туманида тегишли чора-тадбирлар амалга оширилиб, бозорларда нарх-наво мунтазам назорат қилиб борилмоқда. Хусусан, бугун туман ҳокими Ф.Умаров 2-сектор раҳбари билан “Ширин” маҳалла фуқаролар йиғини ҳудудидаги деҳқон бозорида бўлиб, бугунги вазият, нарх-наво, арзонлаштирилган қишлоқ хўжалиги махсулотлари ярмаркасидаги ташкилий ишлар билан яқиндан танишди.
Ўрганиш жараёнида ҳоким сотувчи ва харидорлар билан қишлоқ хўжалиги маҳсулотлари нархларини имкон қадар арзонлаштириш, нархларни асоссиз оширмаслик масаласида суҳбатлашди.
Ҳозирда аҳолини озиқ-овқат маҳсулотлари билан таъминлаш ва нархни барқарор ушлаб туриш туман ҳокимлигининг доимий назоратига олинган.
Шунингдек аҳолига яна қулайлик яратиш мақсадида бозорни бошқа жойга кўчириш, ва қуриш жойларини ҳам кўриб чиқишди.
