US News нашри томонидан дунёдаги энг коррупциялашган ўнта давлат рўйхатидан қўйидаги мамлакатлар ўрин олишган:
— Россия
— Эрон
— Колумбия
— Мексика
— Мянма
— Бразилия
— Саудия Арабистони
— Замбия
— Бангладеш
— Беларуссия
Халқаро антикоррупция ташкилотининг 2021 йил учун Коррупцияни қабул қилиш индексида Ўзбекистон 2020 йилга нисбатан 6 поғонага юқорилаб, 180 давлат ичида 140-ўринни эгаллаган эди. Марказий Осиёдаги энг ёмон кўрсаткич Туркманистон (19), Тожикистон (25) ва Қирғизистонга (27) тегишли. Коррупция чуқур илдиз отган мамлакатлар айни пайтда инсон ҳуқуқларини поймол қилишда ҳам етакчи эканлиги қайд этилган. Инсон ҳуқуқларининг поймол этилиши натижасида демократия заифлашар экан, мамлакатларда авторитаризм кучаяди, бу эса коррупциянинг янада чуқур илдиз отишига сабаб бўлади, дейилади халқаро ҳисоботда.
Коррупция энг кам деб топилган давлатлар рўйхатини Дания (88), Финляндия (88) ва Янги Зеландия бошқармоқда. Улар, шунингдек, инсон ҳуқуқлари энг кўп эъзозланадиган давлатлар рўйхатида етакчи.
