«Биз Россия Марказий банкининг 300 миллиард евролик захираларини блокладик ва россиялик олигархларнинг 19 миллиард евролик пулларини музлатиб қўйдик», — деди Европа комиссияси раҳбари Урсула фон дер Ляйен.
Унинг сўзларига кўра, яқин келажакда ЕИ ва унинг ҳамкорлари ушбу маблағларни бошқариш ва сармоя сифатида йўналтиришни ўз зиммаларига олишлари мумкин. Ундан тушган маблағ Украинага етказилган зарарни қоплаш учун юборилади.
«Буни амалга ошириш учун биз ҳамкорларимиз билан халқаро шартнома устида ишлаймиз. Биргаликда бунинг қонуний йўлларини топишимиз мумкин», деди фон дер Ляйен.
